नेपालगन्जः बाँकेमा थप दुई जनामा कोरोना भाइरस संक्रमण पुष्टि भएको छ । जिल्लाका दुईवटा प्रयोगशालामा ४८ नमुना जाँच्दा दुई जनामा भाइरस संक्रमण पुष्टि भएको हो ।
मेडिकल कलेज कोहलपुरमा सात वटा नमुना जाँच्दा दुईजनामा संक्रमण पुष्टि भएको जिल्ला कोभिड १९ व्यवस्थापन केन्द्रले जनाएको छ ।
बागेश्वरी ल्यावमा ४१ नमुना जाँच्दा कसैमा पनि कोरोना संक्रमण देखिएन् । संक्रमण पुष्टि भएका दुईजना बाँकेका हुन् ।
ती कोहलपुर र खजुराका हुन् । योसँगै जिल्लामा कूल संक्रमितको संख्या १८ हजार चार सय ९१ पुगेको छ ।