नेपालगन्जः उपल्लो डोल्पामा भारी हिमपात भएसँगै नियमित सञ्चालन हुने खोपदेखि कोभिडविरुद्ध लगाउने खोपसमेत रोकिएको छ ।
मङ्सिरदेखि चैतसम्म खोप बन्द हुने स्वास्थ्य सेवा कार्यालयका निर्मित प्रमुख अमरसिंह शाहीले जानकारी दिनुभयो । त्यस्तै बर्थिङ सेन्टरसमेत बन्द हुँदा घरमै सुत्केरी हुने गरेको पाइएको छ ।
शे–फोक्सुण्डो, डोल्पोबुद्ध र छार्काताङसोङ पालिकामा बर्थिङ सेन्टरसमेत नरहेको उहाँले बताउनुभयो ।
सबै उपल्लो डोल्पाका महिला घरमै असुरक्षितरुपमा सुत्केरी हुने गरेको शाहीले जानकारी दिनुभयो ।