नेपालगन्ज: कोरोना भाइरस संक्रमणबाट बाँकेमा थप एकजनाको मृत्यु भएको छ ।
घोडाघोडी नगरपालिका-१० कैलालीका ४२ वर्षीय पुरुषको उपचारका क्रममा भरी अस्पतालमा मृत्यु भएको जिल्ला कोभिड १९ व्यवस्थापन केन्द्रका फोकलपर्सन तेज वलीले जानकारी दिनुभयो ।
स्वास्थ्यमा समस्या देखिएपछि उनी शनिवार भेरी अस्पतालमा भर्ना भएका थिए । त्यसैदिन पीसीआर परीक्षण गर्दा रिपोर्ट पोजेटिभ आयो । कोभिड आइसोलेसन वार्डमा भर्ना गरिएको उनको भोलीपल्ट अर्थात आज विहान ५ बजे मृत्यु भएको हो ।
योसँगै बाँकेमा उपचारका लागि आएका बाहिरी जिल्लाका ४३६ जनाको मृत्यु भएको छ ।
