नेपालगन्जः बाँकेमा थप चार जनामा कोरोना भाइरस संक्रमण पुष्टि भएको छ । जिल्ला कोभिड १९ व्यवस्थापन केन्द्रका अनुसार, ती सबै जिल्ला बाहिर बर्दिया, सुर्खेत र दैलेखका हुन् ।
कोहलपुर मेडिकल कलेजमा ४० जनाको जाँच गर्दा तीन जना र बागेश्वरी ल्यावमा १७ जनाको जाँच गर्दा एकजनामा भाइरस संक्रमण पुष्टि भएको हो । भेरी अस्पतालमा २२ जनाको परीक्षण गर्दा कसैलाई पनि कोरोना नदेखिएको केन्द्रले जनाएको छ ।
बाँकेमा आज कोरोना संक्रमित थपिएन् भने डिस्चार्ज पनि कोही भएनन् । बाँकेमा सक्रिय संक्रमित ९ जना रहेका रहेका छन् ।