नेपालगन्जः नेपालगन्जमा पहिलो हाडेमा आउने ग्रन्थी (पेरोटिड)को ट्यूमरको सफल शल्यक्रिया गरिएको छ । ओलस्का रामारोशन मेडिकल क्लिनकमा कार्यरत ई.एनटी सर्जन डा आनन्द झा नेतृत्वको टिमले सफलतापूर्वक शल्यक्रिया गरेको हो ।
चिकित्सकिय भाषामा यसलाई प्लेयोमोरफिक एडेनोमा डिजिज भनिन्छ । यो जटिल खालको रोग हो । मुखमा चलाउने नशालाई जोगाएर शल्यक्रिया गर्नुपर्ने भएकाले यसलाई जटिल शल्यक्रियाका रुपमा लिइन्छ ।
बर्दिया ठाकुरबाबा नगरपालिका तुरुन्तपुरका १९ वर्षीय युवकको ५ घण्टा लगाएर सफलतापूर्वक शल्यक्रिया गरिएको सर्जन डा झाले जानकारी दिनुभयो । शल्यक्रियामा डा कपिल शाही, डा कृष्ण ढकाललगायत सहभागी हुनुभएको थियो ।
विरामीको अवस्था अहिले सामान्य छ ।
