काठमाडौं: कोभिड–१९ को नयाँ भेरियन्ट ‘ओमिक्रोन’ दक्षिण कोरियामा पनि फेला परेको छ।

हालै नाइजेरियाबाट दक्षिण कोरिया आएका एक दम्पतीमा ओमिक्रोन देखिएको कोरिया रोग नियन्त्रण तथा रोकथाम एजेन्सी केडिसीएले जनाएको छ । उनिहरुले कोरोनाविरुद्धको खोपको दुवै मात्रा भने लगाइसकेका थिए । उनिहरु नोभेम्बर १४ देखि २३ तारिखसम्म नाइजेरिया भ्रमणमा रहेको बताईएको छ ।

कोरियाले शनिबारदेखि लागू हुने गरी दक्षिण अफ्रिकासहित बोत्स्वाना, जिम्बाबे, नामिबिया, लसोथो, मोजाम्विक, मालावीलगायतबाट हवाई उडानसहित आवागमनमा अनिश्चितकालका लागि प्रतिबन्ध लगाएको छ।

नयाँ भेरियन्ट देशमा फैलिनबाट रोक्नका लागि विभिन्न नियमको घोषणा समेत गरिएको छ।