नेपालगन्ज: कोरोना भाइरस संक्रमणका कारण अभिभावक गुमाएर बेसहारा भएका बालबालिकालाई गण्डकी प्रदेश सरकारले मासिक पाँच हजार रुपैयाँ राहत वितरण सुरु गरेको छ ।
संक्रमणका कारण अभिभावक गुमाएका बालबालिकाको अध्ययन /अध्यापनका लागि शिक्षा, संस्कृति, विज्ञान प्रविधि तथा सामाजिक विकास मन्त्रालयले मासिक राहत रकम उपलब्ध गराउने व्यवस्था चालु वर्षको बजेट कार्यक्रममा समावेश गरेको थियो ।
बालबालिकाको तथ्याङ्क सङ्कलन गरी कागजात पुग्नेलाई रकम हस्तान्तरण गरिएको मन्त्रालयले जनाएको छ । सरकारले १८ वर्षभन्दा कम उमेरका बालबालिकालाई एक वर्षका लागि प्रतिव्यक्ति ६० हजार रुपैयाँ सहयोग प्रदान गर्न लागेको हो ।
मुख्यमन्त्री कृष्णचन्द्र नेपाली पोखरेलले राहत रकम हस्तान्तरण गर्नुभएको थियो ।
