नेपालगन्ज: बाँकेमा कोरोना भाइरस संक्रमणका कारण थप एकजना बिरामीको मृत्यु भएको छ ।
नेपालगन्ज स्थित भेरी अस्पतालमा उपचारका क्रममा कोहलपुर नगरपालिका-११ का ६४ वर्षीया महिलाको मृत्यु भएको जिल्ला कोभिड व्यवस्थापन केन्द्रका फोकलपर्सन तेज ओलीले जानकारी दिनुभयो ।
कार्तिक २२ गते कोरोना भाइरस संक्रमण पुष्टि भएपछि २४ गते थप उपचारका लागि भेरी अस्पतालको कोभिड वार्डमा भर्ना हुनुभएको उहाँको स्वास्थ्यमा सुधार नआउँदा गएराती ११:५० बजे मृत्यु भएको हो ।
योसँगै कोरोना भाइरस संक्रमणका कारण बाँकेका ३४३ जनाको मृत्यु भएको छ । त्यस्तै उपचारका लागि अन्यत्र जिल्लाबाट बाँके आएका ४३३ जनाको हालसम्मको मृत्यु भएको केन्द्रको तथ्यांकमा उल्लेख छ ।