नेपालगन्जः बाँकेमा आज थप ३ जनामा कोरोना संक्रमण पुष्टि भएको छ । जिल्लाका तीन वटा प्रयोगशालामा ८० नमुना परीक्षण गर्दा ३ जनामा भाइरस संक्रमण पुष्टि भएको हो ।
मेडिकल कलेज कोहलपुरमा ३८ नमुना परीक्षण गर्दा ३ जनामा संक्रमण पुष्टि भएको छ । यस्तै भेरी अस्पतालमा ३५ र बागेश्वरी ल्याबमा ७ नमुना परीक्षण गर्दा सबैको रिपोर्ट नेगेटिभ आएको छ ।
आज संक्रमण पुष्टि भएका तीनै जना बर्दियाका हुन् ।
योसँगै बाँकेमा कुल संक्रमितको संख्या १८ हजार ४ सय ५९ पुगेको छ । यस्तै आज २ जना डिस्चार्ज भएका छन् । योसँगै जिल्लामा डिस्चार्ज हुनेको संख्या १८ हजार १ सय पुगेको छ ।
