काठमाडौं: नेपाल मेडिकल काउन्सिलको निर्वाचन अन्तर्गत उपत्यकाबाहिरको मतदान सकिएको छ ।
उपत्यका बाहिरका १८ मतदान केन्द्रमा शुक्रबार र शनिबार मतदान भएको हो। त्यी केन्द्रमा पाँच हजार मत खसेको प्रमुख निर्वाचन अधिकृत डा गणेश राईले जानकारी दिनुभयो ।
काठमाडौं उपत्यका र धुलिखेलमा भने आउँदो १० र ११ गते मतदान हुँदैछ। उपत्यकाबाहिर सबैभन्दा बढी चितवनमा ७४९ मत खसेको छ भने सबैभन्दा कम जुम्लामा ५८ मत खसेको छ ।
काउन्सिलको एक उपाध्यक्ष र आठ सदस्यका लागि ३५ जना चुनावी प्रतिस्पर्धामा छन्।
