नेपालगन्जः कोरोना भाइरस संक्रमणबाट बाँकेमा थप एकजनाको मृत्यु भएको छ । बढैयाताल गाउँपालिका–४ बर्दियाका ४५ वर्षीया महिलाको उपचारका क्रममा भेरी अस्पतालमा मृत्यु भएको जिल्ला कोभिड १९ व्यवस्थापन केन्द्रका फोकलपर्सन तेज वलीले जानकारी दिनुभयो ।

स्वास्थ्यमा समस्या देखिएपछि ती महिला तीन दिन अघि अस्पताल भर्ना भएकी थिइन् । उनलाई त्यसैदिन कोरोना भाइरस संक्रमण पुष्टि भएको थियो । उपचारकाक्रममा स्वास्थ्यमा सुधार नआउँदा गएराती मृत्यु भएको हो ।

योसँगै उपचारका लागि बाँके आएका बाहिरी जिल्लाका ४ सय ३१ जनाको मृत्यु भएको छ ।