नेपालगन्जः बाँकेमा आज थप ७ जना कोरोना भाइरसका संक्रमित थपिएका छन् । जिल्लाका दुईवटा प्रयोगशालामा ३४ नमुना परीक्षण गर्दा ७ जनामा भाइरस संक्रमण पुष्टि भएको हो ।
नेपालगन्ज भेरी अस्पतालमा २३ नमुना परीक्षण गर्दा ६ र मेडिकल कलेज कोहलपुरमा ११नमुना परीक्षण गर्दा १ जनामा भाइरस संक्रमण पुष्टि भएको हो ।
आज संक्रमण पुष्टि भएका मध्ये बाँकेका ३ जना छन् । योसँगै बाँकेमा संक्रमितको कुल संख्या १८ हजार ४ सय ६ पुगेको छ ।
यस्तै आज थप २ जना डिस्चार्ज भएका छन् । योसँगै डिस्चार्ज हुनेको संख्या १८ हजार ३१ पुगेको छ ।
