नेपालगन्ज: बाँकेमा कोरोना भाइरस संक्रमित थप एकजना बिरामीको मृत्यु भएको छ ।
नेपालगन्ज स्थित भेरी अस्पतालमा उपचारका क्रममा भजनी नगरपालिका ५ कैलालीका ३३ वर्षीय पुरुषको मृत्यु भएको जिल्ला कोभिड व्यवस्थापन केन्द्रका फोकलपर्सन तेज ओलीले जानकारी दिनुभयो ।
कात्तिक ११ गते कोरोना भाइरस संक्रमण पुष्टि भएपछि त्यसैदिन उपचारका लागि भेरी अस्पतालको कोरोना वार्डमा भर्ना हुनुभएका उहाँको स्वास्थ्यमा सुधार नआउँदा आज बिहान ५:४५ बजे मृत्यु भएको हो ।
योसँगै कोभिड संक्रमणका कारण बाँकेमा उपचारका लागि अन्यत्र जिल्लाबाट आएका ४२८ जनाको मृत्यु भएको छ ।
