नेपालगन्जः बाँकेमा आज थप ३ जना कोरोना भाइरसका संक्रमित थपिएका छन् । जिल्लाका दुईवटा प्रयोगशालामा ३० नमुना परीक्षण गर्दा ३ जनामा भाइरस संक्रमण पुष्टि भएको हो ।
मेडिकल कलेज कोहलपुरमा १४ नमुना परीक्षण गर्दा २ र बागेश्वरी ल्यावमा १६ नमुना परीक्षण गर्दा १ जनामा भाइरस संक्रमण पुष्टि भएको जिल्ला कोभिड १९ व्यवस्थापन केन्द्रले जनाएको छ ।
आज संक्रमण पुष्टि भएका मध्ये बाँकेका १ जना छन् । योसँगै बाँकेमा संक्रमितको कुल संख्या १८ हजार ३ सय ९५ पुगेको छ । यस्तै आज थप ५ जना डिस्चार्ज भएका छन् ।
योसँगै डिस्चार्ज हुनेको संख्या १८ हजार २१ पुगेको छ ।
अस्पतालमा ३ जना भेन्टिलेटरमा छन् भने ६ जना सिकिस्त र ६ जना मध्यम विरामी रहेको केन्द्रले जनाएको छ ।
