नेपालगन्जः कोरोना भाइरस संक्रमणबाट बाँकेमा थप एकजनाको मृत्यु भएको छ । बैजनाथ गाउँपालिका–५ बाँकेकी ६३ वर्षीया महिलाको उपचारका क्रममा भेरी अस्पतालमा मृत्यु भएको हो ।
असोज १० गते कोरोना संक्रमण पुष्टि भएकी ति महिला त्यसको अघिल्लो दिननै अस्पताल भर्ना भएकी थिइन् । स्वास्थ्यमा सुधार नआउँदा उनको गएराती साढे १० बजेतिर मृत्यु भएको जिल्ला कोभिड–१९ व्यवस्थापन केन्द्रले जनाएको छ ।
योसँगै बाँकेमा कोरोना भाइरस संक्रमणबाट मृत्यु हुनेको संख्या ३ सय ३९ पुगेको छ ।