नेपालगन्जः बाँकेको खजुराका स्वास्थ्यकर्मीलाई चार दिने स्वास्थ्य ब्यवस्थापन सूचना प्रणाली तालिम आजबाट शुरु भएको छ ।
गाउँपालिकाको आयोजना तथा अष्ट्रेलियन एड, भेरी वातावरणीय विशिष्टता समुह (बि ग्रुप) बाँके र केयर नेपालको आर्थिक सहयोग तथा स्वास्थ्यको लागि सक्षम प्रणाली कार्यक्रमको प्राविधिक सहयोगमा तालिम सुरु भएको हो ।
तालिममा स्वास्थ्य ब्यवस्थापन सूचना प्रणालीको बारे जानकारी, तथ्याङ्क इन्ट्री गर्ने तरिका, तथ्याङ्कको विश्लेषण, तथ्याङ्कको प्रस्तुतीकरण र तथ्याङ्कको सही प्रयोग बारे प्रशिक्षण गरिने बी–ग्रुपका फिल्ड सुपरभाईजर सम्झना चौधरीले जानकारी दिनुुभयो ।
तालिमको सहजीकरण स्वास्थ्य कार्यालय, बाँकेका मलेरिया इनिस्पेक्टर निरिक्षक दुर्गा गौतम र नेपालगन्ज उपमहानगरपालिकाका जनस्वास्थ्य निरिक्षक सरोज रिमालले गरिरहनु भएको छ।
यस अघि पनि बर्दिया जिल्लाको बढैयाताल गाउँपालिका स्वास्थ्यकर्मीहरुलाई पनि स्वास्थ्य ब्यवस्थापन सूचना प्रणाली तालिम प्रदान गरिएको थियो ।