नेपालगन्जः बाँकेमा आज थप १२ जनामा कोरोना भाइरस संक्रमण पुष्टि भएको छ ।
११५ नमुना परीक्षण गर्दा थप १२ जनामा भाइरस संक्रमण पुष्टि भएको हो । भेरी अस्पताल नेपालगञ्जमा ४७ नमुना परीक्षण गर्दा ८ र मेडिकल कलेज कोहलपुरमा २७ नमुना परीक्षण गर्दा ४ जनामा संक्रमण पुष्टि भएको छ ।
बागेश्वरी ल्याबमा ४१ नमुना परीक्षण गर्दा सबै रिपोर्ट नेगेटिभ आएको छ । आज संक्रमण पुष्टि भएकामध्ये बाँकेका ७ जना छन् । योसंगै बाँकेमा कुल संक्रमितको संख्या १८ हजार ३४६ पुगेको छ ।
यस्तै आज थप ९ जना डिस्चार्ज भएका छन् । योसँगै डिस्चार्ज हुनेको संख्या १७ हजार ९४९ पुगेको छ ।
