नेपालगन्जः बाँकेमा आज थप १० जनामा कोरोना भाइरस संक्रमण पुष्टि भएको छ ।
७८ नमुना परीक्षण गर्दा थप १० जनामा भाइरस संक्रमण पुष्टि भएको हो ।
भेरी अस्पताल नेपालगन्जमा ३६ नमुना परीक्षण गर्दा ९ र मेडिकल कलेज कोहलपुरमा २५ नमुना परीक्षण गर्दा १ जनामा संक्रमण पुष्टि भएको छ ।
बागेश्वरीमा १७ नमुना परीक्षण गर्दा सबै रिपोर्ट नेगेटिभ आएको थियो ।
आज संक्रमण पुष्टि भएका मध्य खजुराका ६ वर्षीय बालकसहित बाँकेका ९ जना छन् ।
नेपालगन्जका २, खजुराका ३, बैजनाथका २ र कोहलपुरका २ जना हुन् । योसंगै बाँकेमा कुल संक्रमितको संख्या १८ हजार ३०७ पुगेको छ ।
