नेपालगन्जः नेपालगन्जको जमुनाह नाका खुल्ला गरिएसँगै दुवैतर्फको आवागमन नियमित भएको छ । तर नेपाल प्रवेश गर्ने विदेशी नागरिकहरुलाई भने पीसीआर रिपोर्ट अनिवार्य गरिएको छ ।

बाँकेका प्रमुख जिल्ला अधिकारी शिवराम गेलालले आज सूचना जारी गर्दै भारतीय नाका भएर नेपाल प्रवेश गर्नुभन्दा ७२ घण्टाभित्रको कोभिड–१९ को परीक्षण रिपोर्ट नेगेटिभ आएको रिपोर्ट पेश गर्न भनिएको हो ।

त्यसका लागि www.ccmc.gov.np मा लगइन गरेर (International traveler Online Form) अनलाइनमा फारम भरी त्यसको प्रिन्ट साथमा ल्याएर आउन सूचित गरिएको छ ।

यस्तै कोभिड-१९ को लक्ष्ण, चिन्ह वा त्यस्तो व्यक्तिको एन्टिजेज परीक्षण गरी रिपोर्ट नेगेटिभ आएमा मात्रै प्रवेश गर्न दिइने छ ।

यस्तै खोपको मात्रा पूरा गरेको प्रमाण समेत पेश गरेर मात्रै प्रवेश गर्न दिइने प्रमुख जिल्ला अधिकारी गेलालद्धारा जारी सूचनामा उल्लखे छ।