नेपालगन्जः नेपालगन्जस्थित भेरी अस्पतालको मेडिकल सुपरिटेण्डन्ट (मेसु) मा डा वीरेन्द्र बहादुर चन्द नियुक्त हुनुभएको छ । स्वास्थ्य तथा जनसंख्या मन्त्रालयले चन्दलाई मेसुमा नियुक्त गरेको हो । यसअघि अस्पतालको मेसुमा डा प्रकाश थापा रहनुभएको थियो ।
मेसुमा नियुक्त भएलगत्तै स्वास्थ्य पेजसँग डा चन्दले अस्पताल सुधारका लागि आफ्नो पहिलो प्राथमिकता हुने बताउनुभयो ।
उहाँले क्याथल्यावको स्तरवृद्धि, सेवालाई थप बिरामीमैत्री बनाउनेदेखि अस्पताल प्रशासनको सुधारमा ध्यान दिइने बताउनुभयो ।
रेडियोलोजिष्ट डा चन्द यसअघि अस्पतालको मेसु भइसक्नुभएको छ । उहाँ २०७३ देखि २०७५ सालसम्म मेसु हुनुभएको थियो ।
