नेपालगन्ज: कोरोना भाइरस संक्रमणबाट बाँकेमा थप एकजनाको मृत्यु भएको छ ।

भेरी अस्पतालमा उपचारका क्रममा बैजनाथ गाउँपालिका-६ बाँकेका ४० वर्षीय पुरुषको मृत्यु भएको जिल्ला कोभिड व्यवस्थापन केन्द्रका फोकलपर्सन तेज ओलीले जानकारी दिनुभयो ।

असोज ९ गते कोरोना संक्रमण पुष्टि भएपछि उहाँलाई थप उपचारका लागि असोज ११ गते भेरी अस्पतालको कोभिड वार्डमा भर्ना गरिएको थियो ।

उहाँको हिजो नै साढे ७ बजे मृत्यु भएको ओलीले बताउनुभयो । योसँगै कोरोना संक्रमणकै कारण बाँके जिल्लाका ३३५ जनाको हालसम्म मृत्यु भईसकेको छ ।