नेपालगन्जः नेपाली कांग्रेसका महामन्त्री पूर्णबहादुर खड्का दम्पतीमा कोरोना संक्रमण पुष्टि भएको छ ।

दुई दिनअघिदेखि ज्वरो–खोकीको समस्यामा रहेका उहाँले आज परीक्षण गराउँदा रिपोर्ट पोजेटिभ आएको हो ।

खड्काले आइतबार सामाजिक सञ्जालमा स्टाटस लेख्दै आफूहरू कोरोना पोजिटिभ भएको जानकारी गराउनुभएको हो ।

‘८ गते ४ बजेदेखि ज्वरो, खोकी सुरु भएको, आज १० गते एन्टिजन र पीसीआर परीक्षण गराउँदा दुवैमा पोजिटिभ, उहाँले लेख्नुभएको छ–‘धेरै सतर्कताका बाबजुद अन्ततः कोभिडले घेरि छोड्यो । मेरो सम्पर्कमा रहनुभएका सबैमा सतर्कताको लागि अनुरोध ।’