नेपालगन्जः सुुत्केरी महिलाको मृत्यु भएपछि धनगढीको नवजीवन अस्पताल तनावग्रस्त भएको छ । डोटीको शिखर नगरपालिका स्थायी घर भएर हाल धनगढी उपमहानगरपालिका–२ बस्दै आएकी २६ वर्षीय कल्पना मल्लको मृत्युुपछि आक्रोशित आफन्तले अस्पताल घेराउ गरेका छन् ।
शनिबार राति सुुत्केरी भएकी मल्लको अवस्था गम्भीर भएपछि आईसीयूूमा भर्ना गरिएकोमा आइतबार बिहान ८ बजे मृत्यु भएको एसपी विश्व अधिकारीले बताउनुभयो ।
एसपी अधिकारीका अनुसार मृतकका आफन्तले डाक्टरको लापरबाहीका कारण मृत्यु भएको भन्दै अस्पताल घेराउ गरेका हुन् ।
पीडित पक्षबाट हुनसक्ने सम्भावित घटनालाई ध्यानमा राखेर प्रहरी परिचालन गरिएको बताउँदै एसपी अधिकारीले अहिले दुुवै पक्षबीच छलफल भइरहेको जानकारी दिनुभयो ।
मल्ल शनिबार बिहान ११ बजे अस्पताल भर्ना भएकी थिइन् । सुुत्केरी भइसकेपछि अवस्था जटिल बन्दा उनलाई चिकित्सकले आईसीयूमा भर्ना गरेका थिए ।
उपचारकै क्रममा कल्पनाको मृत्यु भए पनि शिशु भने सकुुशल रहेको प्रहरीले जनाएको छ ।
