नेपालगन्ज: कोरोना भाइरस संक्रमणका कारण बाँकेमा थप एकजनाको मृत्यु भएको छ ।
नेपालगन्ज स्थित भेरी अस्पतालमा उपचारका क्रममा घोराही उपमहानगरपालिका-१० दाङका ६७ वर्षीय पुरुषको मृत्यु भएको जिल्ला कोभिड व्यवस्थापन केन्द्रका फोकलपर्सन तेज ओलीले जानकारी दिनुभयो ।
भदौ १९ गते कोराना भाइरस संक्रमण पुष्टि भएपछि भदौ २२ गते थप उपचारका लागि उहाँलाई भेरी अस्पतालको कोभिड वार्डमा भर्ना गरिएको थियो । स्वास्थ्यमा सुधार नहुदा उहाँको गएराती साढे ११ बजे मृत्यु भएको हो ।
ओलीका अनुसार योसँगै हालसम्म बाँकेमा उपचारका लागि अन्यत्र जिल्लाबाट आएका ४१६ जनाको मृत्यु भएको छ ।