नेपालगन्जः बाँकेमा आज थप १३ जनामा कोरोना भाइरस संक्रमण पुष्टि भएको छ ।
जिल्लाका तीनवटा प्रयोगशालामा १५३ नमुना परीक्षण गर्दा १३ जनामा भाइरस संक्रमण पुष्टि भएको हो । भेरी अस्पतालमा ७, मेडिकल कलेज कोहलपुरमा ५ र बागेश्वरी ल्यावमा १ जनामा भाइरस संक्रमण पुष्टि भएको छ । ती मध्ये बाँकेका ८ जना छन् । कोहलपुरका ४, नेपालगन्ज र खजुराका २–२ जना रहेका छन् ।
योसँगै बाँकेमा कुल संक्रमितको संख्या १८ हजार १ सय ७८ पुगेको छ । थाज थप ६ जना डिस्चाार्ज भएका छन् ।
योसँगै डिस्चार्ज हुनेको संख्या १७ हजार ७ सय ७१ पुगेको छ । सक्रिय संक्रमितको संख्या भने ८८ पुगेको छ ।