नेपालगन्ज: भेरी अस्पताल नेपालगन्जमा थप एक जना संक्रमितको मृत्यु भएको हो ।
बैजनाथ गाउँपालिका- ४ बाँकेका ५७ वर्षीय पुरुषको उपचारकाक्रममा मृत्यु भएको जिल्ला कोभिड- १९ ब्यवस्थापन केन्द्र बाँकेका फोकल पर्सन तेज ओलीले जानकारी दिनु भयो ।
भदौं ५ गते नेपालगन्ज मेडिकल कलेज शिक्षण अस्पताल कोहलपुरमा पिसिआर परीक्षण गराउँदा उनलाई कोरोना पुष्टी भएको थियो ।
सोही दिन उनी भेरी अस्पतालमा भर्ना भएका थिए । उनको एक महिनासम्म उपचार गरिएको थियो ।
स्वास्थ्यमा कुनै सुधार नआएपछि बिहीवार बिहान ४ बजेतिर मृत्यु भएको हो । योसँगै कोरोना संक्रमणबाट बाँकेका ३ सय ३३ जनाको मृत्यु भएको छ ।
