नेपालगन्ज: कोरोना भाइरस संक्रमणका कारण बाँकेमा थप एकजनाको मृत्यु भएको छ ।

नेपालगन्ज स्थित भेरी अस्पतालमा उपचारका क्रममा खजुरा गाउँपालिका २ बाँकेका ६० वर्षीया महिलाको मृत्यु भएको जिल्ला कोभिड व्यवस्थापन केन्द्रका फोकलपर्सन तेज ओलीले जानकारी दिनुभयो ।

भदौ २७ गते कोरोना भाइरस संक्रमण पुष्टि भएपछि उहाँलाई उपचारका लागि भदौ २८ गते भेरी अस्पतालको कोभिड वार्डमा भर्ना गरिएको थियो । स्वास्थ्यमा सुधार नआउँदा उहाँको गएराती ११ बजे मृत्यु भएको हो ।

योसँगै कोरोना संक्रमणका कारण बाँकेका ३३१ जनाको हालसम्म मृत्यु भईसकेको छ ।