नेपालगन्ज: बाँकेमा कोरोना भाइरस संक्रमणका कारण एकजनाको मृत्यु भएको छ ।
नेपालगन्ज स्थित भेरी अस्पतालमा उपचारका क्रममा पुनर्बास नगरपालिका ५ कञ्चनपुरका ५८ वर्षीया महिलाको मृत्यु भएको जिल्ला कोभिड व्यवस्थापन केन्द्रका फोकलपर्सन तेज ओलीले जानकारी दिनुभयो ।
स्वास्थ्यमा समस्या आउँदा भदौ २९ गते भेरी अस्पतालमा भर्ना हुनुभएको उहाँमा भदौ ३० गते कोरोना भाइरस संक्रमण पुष्टि भएको थियो । स्वास्थ्यमा सुधार नआउँदा उहाँको आज बिहान साढे ११ बजे मृत्यु भएको अस्पतालले पुष्टि गरेको छ ।
योसँगै बाँकेमा कोरोना भाइरस संक्रमणका कारण उपचारका लागि अन्यत्र जिल्लाबाट आएका ४१२ जनाको मृत्यु भएको छ ।
