कोहलपुर: बाँकेको कोहलपुर नगरपालिकाले आजदेखि आधारभूत अस्पताल सञ्चालनमा ल्याएको छ ।
नगरपालिकाले वडा नम्वर–२ मा आधारभूत अस्पताल सञ्चालनमा ल्याएको उपमेयर सञ्जुकुमारी थारुले जानकारी दिनुभयो । नागरिकलाई आधारभूत उपचार सेवाका लागि आधारभूत अस्पताल महत्वपूर्ण हुने उहाँको भनाइ छ ।
उहाँले नगरसभाको परिकल्पना अनुसार छिटै आधारभूत अस्पताल आफ्नै भवनबाट सञ्चालन गरिने पनि प्रतिबद्धता जनाउनुभयो । नगरपालिकाले आधारभूत अस्पताल अहिले भाडामा सञ्चालन गरेको छ ।
आधारभूत अस्पतालबाट अब ७० प्रकारका औंषधी उपलब्ध हुने कोहलपुर नगरपालिका नगर स्वास्थ्य प्रमुख अनिल सेन ठकुरीले जानकारी गराउनुभयो ।