नेपालगन्जः कोरोना भाइरस संक्रमणबाट भेरी अस्पतालमा थप दुईजनाको मृत्यु भएको छ । उपचारका क्रममा रुकुम पश्चिमका ७८ वर्षीय पुरुष र सुर्खेत भेरीगंगाका ६८ वर्षीय पुरुषको मृत्यु भएको हो ।

भदौ ९ गते कोभिड पुष्टि भएका त्रिवेणी गाउँपालिका–६ रुकुम पश्चिमका पुरुषको गएराती मृत्यु भएको जिल्ला कोभिड व्यवस्थापन केन्द्रका फोकलपर्सन तेज वलीले जानकारी दिनुभयो ।

त्यस्तै २० गते भेरीमा भर्ना भएका भेरीगंगा नगरपालिका–१३ सुर्खेतका पुरुषमा त्यसैदिन कोभिड पुष्टि भएको थियो । उनको आज विहान मृत्यु भएको हो । योसँगै उपचारका लागि बाँकेमा आएका बाहिरी जिल्लाका ४ सय ५ जनाको मृत्यु भएको छ ।