नेपालगन्जः बाँकेमा आज थप दुई जना कोरोना संक्रमितको मृत्यु भएको छ । दाङ र सल्यानका दुईजना महिलाको उपचारका क्रममा भेरी अस्प्तालमा मृत्यु भएको हो ।

योसँगै बाँकेमा उपचारका लागि आएका बाहिरी जिल्लाका मृत्यु हुनेको संख्या चारसय पुगेको जिल्ला कोभिड व्यवस्थापन केन्द्रका फोकलपर्सन तेज वलीले जानकारी दिनुभयो ।

त्रिवेणी गाउँपालिका-६ सल्यानकी ६६ वर्षीया महिलाको गएराती मृत्यु भएको हो । उनी भदौ ६ गते भेरी अस्पतालमा भर्ना भएका थिइन् । उनलाई साउन ३२ गते कोभिड पुष्टि भएको थियो ।

यस्तै गडवा गाउँपालिका-६ दाङकी ९५ वर्षीया महिलाको आज विहान मृत्यु भएको छ । यही १२ गते अस्पताल भर्ना भएकी उनलाई त्यसको भोलिपल्ट कोभिड पुष्टि भएको थियो ।