नेपालगन्जः बाँकेको डुडुवा गाउँपालिका–६ स्थित जयेन्दु बाल सुधार गृहमा आज निःशुल्क आँखा तथा कान शिविर सम्पन्न भएको छ । उक्त शिविरमा १६२ जनाको आँखा जाँच गरी निःशूल्क औषधि उपलब्ध गराइएको छ ।

तीमध्ये २५ जनालाई फत्तेवाल आँखा अस्पतालमा रिफर गरिएको छ । उनीहरुलाई चस्मा लगाउनु पर्ने अवस्था देखिएको हो । यस्तै ११३ जनाको कान जाँच गरिएको र उनीहरु मध्ये अधिकांशलाई औषधि दिइएको छ ।

७ जनाको कानको जाली फुटेको पाइएको छ । उनीहरुलाई फुलटेक्रामा रहेको ब्रिनोज इयर केयर सेन्टरमा रिफर गरिएको छ । गृहका अनुसार आँखा तथा कान शिविरमा जिल्ला न्यायधीश खडानन्द तिवारी, बाँकेका सिडियो शिवराम गेलाललगायतको उपस्थिति रहेको थियो ।

कानुनी विवादमा परेर बाल सुधार गृहमा बसिरहेका ती बालकहरुलाई उहाँहरुले औषधि वितरण गर्नुभएको थियो ।