नेपालगन्जः बलपूर्वक वेपत्ता पारिएका व्यक्तिको सम्झनामा आज नेपालगञ्जमा रक्तदान गरिएको छ ।
राष्ट्रिय मानव अधिकार आयोग, न्यायकालागि द्धन्द पीडित समाज बाँके, नेपाल बार एशोसिएशसन लगायतको आयोजनामा जारी रक्तदान कार्यक्रममा अहिले सम्म २२ जनाले रक्तदान गरेका छन् ।
रगतको अभावमा कसैलेपनि अकालमै ज्यान गुमाउनु नपरोस् भन्ने उद्देश्यले रक्तदान कार्यक्रमको आयोजना गरिएको आयोजकहरुले बताएका छन् ।
दिवसको अवसरमा यसअघि अन्तरक्रिया तथा दिप प्रज्ज्वलन लगायतका कार्यक्रमहरु गरिएको समाजका बाँके अध्यक्ष चन्द्रकला उप्रेतीले जानकारी दिनुभयो ।