काठमाडौं: शनिबार देशभर थप १ हजार ८५७ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ९ हजार ४०९ नमुनाको पीसीआर विधिबाट परीक्षण गर्दा १ हजार ५१६ जना र ३ हजार ७३७ नमुनाको एन्टिजेन विधिबाट परीक्षण गर्दा ३४१ जना गरि कुल १८५७ जनामा संक्रमण देखिएको हो ।
हालसम्म देशभर पीसीआर परीक्षण गर्दा ७ लाख ५८ हजार ८ जनामा संक्रमण पुष्टि भएको छ । त्यस्तै एन्टिजेन विधिबाट ८२ हजार ७९७ जनामा र्संक्रमण पुष्टि भएको छ । यसैबिच गएको २४ घण्टामा संक्रमणबाट निको भएर थप २ हजार २२२ जना डिस्चार्ज भएका छन् ।
योसँगै कोरोना संक्रमण मुक्त हुनेहरुको कुल संख्या ७ लाख १० हजार ४५२ पुगेको छ । आज संक्रमणकै कारण थप २७ जनाले ज्यान गुमाएपछि हालसम्म ज्यान गुमाउनेहरुको संख्या १० हजार ६९० पुगेको छ ।
