नेपालगन्जः भेरी अस्पताल नेपालगन्जले कोभिड महामारीमा अस्पताललाई सहयोग गर्ने दाताहरुलाई सम्मान गर्ने भएको छ ।
कोभिड महामारीमा स्वास्थ्य सामाग्रीदेखि लिएर नगद सहयोग गर्ने दाताहरुलाई सम्मान गर्न लागिएको अस्पताल विकास समितिका सदस्य कृष्णप्रसाद श्रेष्ठले जानकारी दिनुभयो ।
उहाँका अनुसार, भोलि दिउँसो एक बजे विशेष कार्यक्रमको आयोजनागरी दाताहरुलाई सम्मान गरिने छ ।
कोभिड महामारीमा अस्पताललाई स्थानीय सरकार, गैरसरकारी संघसंस्था, व्यापारी, उद्योगीलगायतले उपकरणदेखि स्वास्थ्य सामाग्री र नगदैसम्म सहयोग गरेका थिए ।
त्यसरी अस्पताललाई सहयोग गर्ने ७० बढी दाताहरुलाई सम्मान गर्न लागिएको श्रेष्ठले बताउनुभयो ।
