नेपालगन्जः कोरोना भाइरस संक्रमणबाट भेरी अस्पतालमा आज थप दुईजनाको मृत्यु भएको छ । यसरी मृत्यु हुनेमा सुर्खेत र कैलालीका दुई युवा हुन् । गुर्वाकोट नगरपालिका–५ सुर्खेतका ३९ वर्षीय युवाको दिउँसो सवा एक बजेतिर मृत्यु भएको हो ।
यस्तै टीकापुर नगरपालिका–१ कैलालीका २८ वर्षीय युवकको विहान साढे ८ बजे मृत्यु भएको हो । योसँगै बाँकेमा उपचारका लागि आएका बाहिरी जिल्लाका ३ सय ९० जनाको मृत्यु भएको छ । यस्तै आज थप २२ जनामा भाइरस संक्रमण पुष्टि भएको छ ।
१ सय ३७ वटा नमुना परीक्षण गर्दा २२ जनामा संक्रमण पुष्टि भएको हो । तीमध्ये बाँकेका १२ जना छन् । योसँगै बाँकेमा संक्रमितको संख्या १७ हजार ८ सय ७९ पुगेको छ ।
आज ३ जना डिस्चार्ज भएका छन् । योसँगै डिस्चार्ज हुनेको संख्या १७ हजार ४ सय ११ पुगेको छ । जिल्लामा सक्रिय संक्रमितको संख्या १ सय ८३ पुगेको छ ।
२४ जना सिकिस्त बिरामी छन् भने ३३ जना मध्यम बिरामी रहेको जिल्ला कोभिड व्यवस्थापन केन्द्रका फोकलपर्सन तेज वलीले जानकारी दिनुभयो । ५ जनाको भेन्टिलेटरमा राखेर उचपार भइरहेको छ ।
