गुलरियाः बर्दियामा आजदेखि कोरोना विरुद्धको एष्ट्राजेनेका खोपको पहिलो डोज लगाउन सुरु गरिएको छ ।
गुलरिया, बाँसगढी, बारबर्दिया, ठाकुरबाबा, मधुवन, राजापुर नगरपालिका त्यस्तै बढैयाताल र गेरुवा गाउँपालिकामा एष्ट्राजेनेकाको खोप लगाउन सुरु गरिएको हो ।
स्वास्थ्य कार्यालय बर्दियाका बरिष्ठ जनस्वास्थ्य अधिकृत गोकर्ण गिरीका अनुसार विश्वविद्यालयका विभिन्न तहको परीक्षामा सामेल हुने विद्यार्थी र १८ बर्ष उमेर पुगेका कक्षा १२ का विद्यार्थीलाई एष्ट्राजेनेकाको खोप लगाउन सुरु गरिएको छ ।
प्रत्येक पालिकामा एउटा केन्द्र तोकेर भोलिसम्म खोपको पहिलो डोज लगाइने उहाँको भनाइ छ । खोपको दोस्रो डोज भने ८ देखि १२ हप्तामा लगाइने पनि गिरीले बताउनुभयो ।