नेपालगन्जः कोरोना भाइरस संक्रमणबाट भेरी अस्पतालमा थप एकजनाको मृत्यु भएको छ ।

टीकापुर नगरपालिका–१ कैलालीका २८ वर्षीय युवकको आज विहान मृत्यु भएको हो । भदौ एक गते भेरी अस्पताल भर्ना भएका उनको दुई गते कोभिड पुष्टि भएको थियो । त्यसैदिन उनलाई कोभिड आइसोलेसन वार्डमा भर्ना गरेर उपचार सुरु गरिएको थियो ।

तर स्वास्थ्यमा सुधार नहुँदा उनको विहान साढे ८ बजे मृत्यु भएको हो । योसँगै बाँकेमा उपचारका लागि आएका बाहिरी जिल्लाका ३ सय ८९ जनाको मृत्यु भएको छ ।