नेपालगन्जः कोरोना संक्रमणका कारण देवी माध्यमिक विद्यालय बिर्तामोड झापाका शिक्षक अशोक बाह्रकोटीको मृत्यु भएको छ ।

उहाँको उपचारका क्रममा बीएण्डसी अस्पतालमा शनिबार राति मृत्यु भएको हो। संक्रमण देखिएपछि उहाँ होम क्वारेन्टाइनमा बस्नुभएको थियो ।

शरीरमा अक्सिजन लेवल घटेपछि उहाँलाई साउन १४ गते मेची प्रादेशिक अस्पताल भद्रपुर भर्ना गरिएको थियो। त्यहाँ उपचार असम्भव भएपछि उहाँलाई बीएण्डसी अस्पताल लगिएको थियो।

यसअघि झापामा आधारभूत प्राथमिक विद्यालय शनिश्चरेका शिक्षक बाबुल प्रधान र होलिवेल स्कुल धुलाबारीका शिक्षक अणु प्रधानको पनि कोरोनाबाट मृत्यु भएको थियो।