नेपालगन्जः बर्दियामा आज कोरोना भाइरसका ३५ जना संक्रमित थपिएका छन् ।
२ वर्षीया बालिकासहित ७९ वर्षीय जेष्ठ नागरिकसम्म संक्रमित भएका छन् । ठाकुरबाबा नगरपालिका–५ की २ वर्षीया बालिकामा संक्रमण पुष्टि भएको हो । सबैभन्दा बढी ठाकुरबाबा नगरपालिकाका संक्रमित छन् ।
आज थप भएका मध्ये ३४ जना ठाकुरबाबा नगरपालिकाका हुन् भने एकजना बढैयाताल गाउँपालिकाका भएको स्वास्थ्य कार्यालय बर्दियाका प्रमुख गोकर्ण गिरीले जानकारी दिनुभयो । योसँगै बर्दियामा आजसम्म संक्रमितको संख्या ८ हजार ६० पुगेको छ ।
