नेपालगन्जः नेपाल नर्सिङ संघले आफ्ना विद्यार्थीहरुलाई कोभिड १९ विरुद्धको खोप लगाउन सबै नर्सिङ क्याम्पसहरुको ध्यानाकर्षण गराएको छ।

संघले सोमबार एक ध्यानाकर्षण पत्र जारी गरी कोभिडको जोखिमबाट सुरक्षित गराउन सबै विद्यार्थीहरुलाई खोप लगाउन विश्वविद्यालय तथा नर्सिङ क्याम्पसहरुको ध्यानाकर्षण गराएको हो।

कलेजहरुमा अध्ययनरत विद्यार्थीहरु स्वास्थ्य संस्था तथा अस्पतालहरुमा प्रयोगात्मक अभ्यासका लागि पठाइने र बिरामीको प्रत्यक्ष सम्पर्कमा रहने हुँदा खोप लगाउन आवश्यक रहेको संघले जनाएको छ।