दाङः कोरोना विशेष अस्पताल बेलझुण्डीमा थप एक जना कोरोना संक्रमितको मृत्यु भएको छ ।

कोरोना संक्रमण पछि अस्पतालमा भर्ना भएकी घोराही उपमहानगरपालिका वडा नम्वर १७ बस्ने ७९ बर्षीया महिलाको आज विहान मृत्यु भएको अस्पतालका व्यवस्थापक द्रोण वलीले जानकारी दिनुभयो ।

कोरोना संक्रमण पछि उनी साउन १५ गतेदेखि अस्पतालमा भर्ना भएकी थिइन् । अस्पतालको आईसियू कक्षमा उपचाररत उनलाई निमोनियासंगै श्वासप्रश्वासमा समस्या देखिएको थियो ।

अस्पतालमा अझै ६ जना आईसियू उपचाररत रहेको व्यवस्थापक वलीले बताउनुभयो ।