नेपालगन्जः नेपालमा थप ४ हजार १०७ मा कोभिड संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार कूल १६ हजार २९८ जनाको परीक्षण गर्दा चार हजार १०७ जनामा संक्रमण पुष्टि भएको हो । यो दुई महिना यताको सबैभन्दा उच्च हो ।
त्यस्तै आज थप ३५ जनाको कोभिडका कारण ज्यान गएको छ । आज थप १ हजार ५३५ जना संक्रमणमुक्त भएका छन् ।
हालसम्म ३९ लाख बढीको कोरोना परीक्षण भएकामा ७ लाख ६७ हजार ९२२ जनामा संक्रमण पुष्टि भएको छ । जसमध्ये ६ लाख ६१ हजार ६५१ जना निको भएका छन् । यस्तै हालसम्म मृतकको कुल संख्या ९ हजार ९५७ पुगेको छ ।
यसअघि मंगलबार देशभर ३३८३ जनामा संक्रमण पुष्टि भएको थियो भने २४ जनाको मृत्यु भएको थियो ।
