काठमाडौं: स्वास्थ्य तथा जनसंख्या मन्त्रालयले कोरोना खोप कार्ड प्रमाणीकरणका लागि ४ वटा अस्पताल तोकेको छ।

शुक्रराज ट्रपिकल तथा सरुवा रोग अस्पतालसहित निजामती अस्पताल, पाटन अस्पताल र बलम्बुस्थित सशस्त्र प्रहरी अस्पतालमा खोप कार्ड प्रमाणीकरण गर्ने व्यवस्था मिलाएको हो। टेकु अस्पतालमा मात्र प्रमाणीकरण गर्ने भिड लागेपछि स्वास्थ्य मन्त्रालयले प्रमाणीकरण गर्ने अस्पतालको संख्या बढाएको हो ।

वैदेशिक रोजगारी, अध्ययन, उपचार लगायत अन्य कार्य गर्न विदेश जाने नागरिकहरुको लागि खोप लगाएको प्रमाण पत्र अनिवार्य लिनुपर्ने व्यवस्था छ। यस अघि खोप लगाउँदा उपलब्ध खोप कार्डले खोप लगाएको आधिकारिकता पुष्टि नभएपछि सरकारी अस्पतालबाट प्रमाणीकरण गर्नुपरेको हो ।