नेपालगन्ज: बाँकेमा आज थप ८ जनामा कोरोना भाइरस संक्रमण पुष्टि भएको छ । जिल्लाका तीनवटा प्रयोगशालामा १४४ नमुना परीक्षण गर्दा ८ जना नयाँ संक्रमित थपिएको जिल्ला कोभिड १९ संकट व्यवस्थापन केन्द्रले जनाएको छ ।
नेपालगन्ज स्थित भेरी अस्पतालको प्रयोगशालामा ७२ नमुना परीक्षण गर्दा ३ जना, मेडिकल कलेज कोहलपुरको प्रयोगशालामा ४७ नमुना परीक्षण गर्दा ५ जना र बागेश्वरी ल्याबमा २५ नमुना परीक्षण गर्दा कसैमा पनि संक्रमण देखिएको छैन ।
हालसम्म जिल्लाका प्रयोगशालामा ८७ हजार ४८ नमुनाको पीसीआर परीक्षण सम्पन्न भईसकेको छ । संक्रमण पुष्टि भएकामध्य जिल्लाका दुईजना मात्र छन् । संक्रमणबाट निको भएर थप ६ जना डिस्चार्ज भएका छन् ।
