नेपालगञ्ज: नेपालगञ्जको जमूनाह नाकामा आजदेखि स्थायी प्रकृतिको हेल्थ डेस्क संचालनमा आएको छ । ५१ लाख ३१ हजारको लागतमा निर्माण गरिएको उक्त हेल्थ डेस्कको आजै उद्घाटन गरिएको छ ।
नेपलागन्जका मेयर डा. धवलशम्शेर राणा, उपप्रमुख उमा थापा मगर, बाँकेका प्रमुख जिल्ला अधिकारी शिवराम गेलाल र उपमहानगरपालिकाका प्रमुख प्रशासकीय अधिकृत हिरालाल रेग्मीले संयुक्तरुपमा हेल्थ डेस्कको उद्घाटन गर्नुभयो ।
देशभरका १३ वटा नाका मध्ये स्थायी प्रकृतिको हेल्थडेस्क सञ्चालन भएको नेपालगन्जमा पहिलो पटक हो । चिकित्सक, ल्याब टेक्निसियन सहितका स्वास्थ्यकर्मीहरु खटिने उक्त हेल्थ डेक्समा भारतबाट फर्किनेहरुको स्वास्थ्य परीक्षण गरिनेछ ।
कोरोना, डेङ्गु, मलेरिया लगायतका सङ्क्रामक रोगको नियन्त्रणका लागि नाकामा हेल्थ डेस्क स्थापना गरिएको नगर प्रमुख डा. राणाले बताउनुभयो ।
