काठमाडौंः प्रधानमन्त्री शेरबहादनुर देउवाले कोभिड खोप केन्द्रको स्थलगत निरीक्षण सुरु गर्नुभएको छ । देउवाले नेपाल अर्थोपेडिक अस्पताल जोरपाटीमा कोभिड खोप केन्द्रबाट स्थलगत निरीक्षण तथा अनुगमन सुरु गर्नुभएको हो ।
प्रधानमन्त्री देउवाले काठमाडौं उपत्यकाभित्रका त्रिभुवन विश्वविद्यालय, शिक्षण अस्पताल महाराजगञ्ज, वीर अस्पताल, महाबौद्ध तथा पाटन स्वास्थ्य विज्ञान प्रतिष्ठान, लगनखेललगायतका केन्द्रहरुको समेत निरीक्षण तथा अनुगमन गर्ने कार्यतालिका छ ।
उहाँले सरकारको प्राथमिकता सबैलाई कोरोनाविरुद्धको खोप उपलब्ध गराउनु भएको समेत बताउनुभयो । खोप सहज रुपमा लगाउने प्रबन्ध मिलाउन समेत प्रधानमन्त्री देउवाले निर्देशन दिनुभयो । आजबाट एक डोज मात्र लगाए पुग्ने कोभिड खोप जोन्सन एन्ड जोन्सनको खोप लगाउन सुरु गरिएको छ।
