नेपालगन्जः भेरी अस्पताल नेपालगन्जमा कोरोना भाइरस संक्रमणबाट थप एकजनाको मृत्यु भएको छ । झिमरुक गाउँपालिका ५ प्यूठानका ६८ वर्षीय पुरुषको आज विहान मृत्यु भएको जिल्ला कोभिड-१९ व्यवस्थापन समितिका फोकलपर्सन तेज वलीले जानकारी दिनुभयो ।

असार २९ गते भाइरस संक्रमण पुष्टि भएपछि उनी त्यसको दुई दिनपछि ३१ गते भेरी अस्पतालको कोविड वार्डमा भर्ना भएका थिए । स्वास्थ्यमा सुधार नआउँदा उनको उपचारकै क्रममा विहान ११ बजे मृत्यु भएको बताइएको छ ।

योसँगै उपचारका लागि बाँकेका आएका बाहिरी जिल्लाका मृतक संख्या ३ सय ७३ पुगेको छ ।