नेपालगन्जः पछिल्लो २४ घण्टामा बाँकेमा थप ११ जनामा कोरोना भाइरस संक्रमण पुष्टि भएको छ । जिल्लाका तीन वटा प्रयोगशालामा ११९ वटा नमुना परीक्षण गर्दा ११ जनामा भाइरस संक्रमण पुष्टि भएको हो ।
भेरी अस्पतालमा ६० नमुना परीक्षण गर्दा ७, मेडिकल कलेज कोहलपुरमा ३५ नमुना परीक्षण गर्दा ३ र बागेश्वरी प्रयोगशालामा २४ नमुना परीक्षण गर्दा १ जनामा भाइरस संक्रमण पुष्टि भएको छ । तीमध्ये ९ जना बाँकेका छन् ।
त्यसमा महिलाको संख्या ५ रहेको छ । बाँकेमा पछिल्लो २४ घण्टामा डिस्चार्ज र मृत्यु संख्या शुन्य छ । जिल्लामा अहिलेसम्म ८६ हजार ५ सय ८९ नमुना परीक्षण भएको छ ।
