नेपालगन्ज: भेरी अस्पतालमा कोरोना भाइरस संक्रमित थप एकजना बिरामीको मृत्यु भएको छ । अस्पतालमा उपचारका क्रममा मधुवन नगरपालिका-१ का २८ वर्षीय पुरुषको मृत्यु भएको जिल्ला कोभिड-१९ व्यवस्थापन समितिले जनाएको छ ।

कोभिड संक्रमण पुष्टि भएपछि हिजो भेरी अस्पतालमा उपचारका लागि भर्ना भएका उनको हिजै राती ११ बजे मृत्यु भएको समितिका फोकलपर्सन तेज ओलीले जानकारी दिनुभयो । योसँगै बाँकेमा अन्यत्रै जिल्लाबाट उपचारका लागि आएका ३६७ जना कोरोना संक्रमित बिरामीको मृत्यु भईसकेको छ ।

त्यस्तै हालसम्म जिल्लाका ३११ जनाको पनि संक्रमणकै कारण मृत्यु भएको छ ।

अहिले बाँकेमा संक्रमण करिब नियन्त्रणमा छ । जोखिम भने टरिनसकेकाले स्वास्थ्य मापदण्डको पालना गर्न चिकित्सकहरुले आग्रह गरेका छन् ।